Urime 2017-a Kosovë

PSD-ja uron të gjithë qytetarët e Kosovës një fillim me familje të shëndosha dhe me rritje e prosperiteti për të gjithë popullin e Kosovës në vitin 2017. Urojmë që ky vit të ketë më shumë të mira, më shumë bereqet dhe sa më pak problem.

Viti që lamë pas ka pas, jo vetëm që ka pas problem, por 2016-a njihet si një vit që nuk ka pas zhvillim të madh, në rahatinë e popullit të Kosovës, në prosperitetin e Kosovës, në zhvillimin individual.

PSD beson shumë se 2017 do të ketë më shumë qetësi, më shumë rahati dhe më shumë zhvillim.

Gjithsesi, çdo veprim i yni në të mirë të familjes, fqinjit dhe bashkkombasëve tanë do ta zhvilloi vendin dhe shoqërinë.

Gëzuar gëzuar gëzuar 

Statuti i PSD-së

Në bazë të Ligjit Nr. -3/L - 73 për Zgjedhjet e Përgjithshme në Republikën e Kosovës, Ligjit Nr. -3/L - 256 për Ndryshim dhe Plotësim të Ligjit për Zgjedhjet, Ligjit Nr. -3/L - 72 për Zgjedhjet Lokale, të Ligjit Nr. -3/L - 174 për Financimin e Subjekteve Politike, si dhe të Rregullës Nr. 01/2013 të KQZ, Kuvendi i Partisë Socialdemokrate, i mbajtur me 17 Dhjetor 2106 miratoi këtë:

STATUT - TË PARTISË SOCIALDEMOKRATE TË KOSOVËS

DISPOZITAT E PËRGJITHSHME

Neni 1.

Me këtë Statut Partia Socialdemokrate rregullon dhe përcakton: emrin e saj, shenjen, selinë, qëllimet, mënyrën e informimit të opinionit, parimet e veprimit, të drejtat dhe obligimet e anëtarëve, format e organizimit, organet dhe trupat e Partisë, mënyrën e zgjedhjes dhe shkarkimit të tyre, emërimit dhe ndërrimit, kohëzgjatjes së mandatit, mjeteve për punë, ndërprerjen e punës, si dhe çështjet tjera me interes për anëtarësinë dhe punën e Partisë. 

Statuti është akti themelor juridik i PSD.

Kliko këtu për statutin e plotë

Programi i PSD-së

PLATFORMA PROGRAMORE E POLITIKE E PSD-SË

QËLLIMET E SOCIALDEMOKRACISË NË KOSOVË

PSD-ja është forcë politike e cila angazhohet për një qasje njerëzore dhe të civilizuar në zgjedhjen e problemeve të qytetarëve të Kosovës. PSD ofron partneritet për zgjedhjen e problemeve dhe nuk e sheh pushtetin si sundim mbi qytetarët por si përgjegjësi për t`u ballafaquar me problemet ekonomike, politike dhe sociale të qytetarëve. Politika e PSD-së është e bazuar në parimet e humanizmit, etikës njerëzore dhe demokracisë sociale.

Pikëpamja socialdemokrate mbi shoqërinë është shprehje e synimit për të përmbushur idetë e lirisë, barazisë, demokracisë dhe solidaritetit. PSD synon mbrojtjen dhe konsolidimin e lirive qytetare nëpërmjet çlirimit të njerëzve nga inferioriteti ekonomik, kulturor dhe social, si dhe përmes eliminimit të varësisë së tyre nga grupet e interesit të krijuara në bazë të pushtetit dhe statusit ekonomik individual.

Për më gjerësisht kliko KETU

Udhëheqja e re e PSD-së

Partia Social Demokrate e Kosovës - PSD më 17 dhjetor 2016 në Prishtinë ka organizuar zgjedhje të reja dhe me votën e Delegatëve ka zgjedhur Kryetarin e ri z. Bajram Kelmedi si dhe Kryesine e re 15 anëtarësh.

Delegatët poashtu votuan për ndryshimet e reja në Statut konform ligjit zgjedhor në Republiken e Kosovës. 

Këshilli Drejtues poashtu është plotësuar me njerëz të ri nga e gjithë Kosova. Shtrirja e PSD-së dhe zgjerimi i saj në tërë Kosovën është hap i radhës, pas një shkëputje rreth 2 vjet nga zhvillimet politike.

Partia Social Demokrate e Kosovës nga janari 2017 do të filloi me shtrirjen e aktiviteteve në të gjithë Kosovën.

Poashtu, të gjithë delegatët votuan Vendimin dhe zgjodhën edhe Kryetarin e Nderit të PSD-së, ku më këtë çmim u dekorua zo. Kaqusha Jashari.

PSD-ja thërret të gjithë qytetarët e Kosovës të përkrahin ndryshimin në interes të qytetarit.

Partia Social Demokratike e Kosovës është parti me traditë që nga viti 1990. Ndërsa, në Evropë, veçmas në Gjermani, është aktive që nga viti 1836. Shumica e Partive Evropiane e kanë programin e njejtë - vetem në interes të qytetarit.